ATHARKORU NERAMUNDU RAMANICHANDRAN NOVEL

அதற்கொரு நேரமுண்டு
கதாநாயகன்: தினகரன்
கதாநாயகி: மனோகரி
ஆண்டு: 1998
ஆசிரியர்: ரமணிசந்திரன்

தினகரனுக்கும் (கதாநாயகன்) மீனாட்சிக்கும் திருமணம் நிச்சயிக்கப்பட்டுள்ளது. மீனாட்சி மனோகரியின் (கதாநாயகி) அத்தை மகள். தினகரன் விபத்தில் சிக்கி கண்பார்வையை இழக்கிறான். தினகரன் மீனாட்சியைத் தேடுகிறான்,ஆனால் ஆடம்பரமான வாழ்க்கை முறை மீது பிடித்தம் உள்ள மீனாட்சி தினகரனை விட்டு விலகுகிறாள். மனோகரி தினகரனைச் சந்தித்து ஆறுதல் கூறி மீனாட்சியின் முடிவு பற்றியும் தெரிவிக்கச் செல்கிறாள்.

மருத்துவமனையில் தினகரன் மனோகரியை மீனாட்சி என்று தவறாகப் புரிந்து கொள்கிறான். மனோகரியின் வருகைக்குப் பிறகு தினகரனின் உடல்நிலை நல்ல முன்னேற்றத்தைக் காட்டுகிறது. கடந்த காலத்தில் நடந்த ஒரு சம்பவத்தால் தினகரன் மனோகரியை தவறாகப் புரிந்து கொள்கிறான். அதனால் மனோகரி தன்னைப் பற்றியும், மீனாட்சியைப் பற்றியும் வெளிப்படுத்த முடியாமல் மீனாட்சி போலவே தொடர்ந்து நடிக்கிறாள் .

சில வாரங்களுக்குப் பிறகு மனோகரியும், தினகரனும் கோவிலில் திருமணம் செய்து கொள்கிறார்கள். தினகரனும் மனோகரியும் தினகரனின் தாயுடன் வாழத் தொடங்குகிறார்கள். மனோகரியைப் பற்றிய உண்மையைக் கண்டுபிடித்து தினகரனின் தாய் அவளை ஏற்றுக்கொள்கிறாள். தினகரனுக்கும் வியாபாரத்தில் தன்னை நிரூபிக்க தினகரனுக்கு அவகாசம் வழங்கப்படுகிறது. சில மாதங்களுக்குப் பிறகு தினகரனுக்கு மீண்டும் பார்வை கிடைப்பதற்காக அறுவை சிகிச்சை செய்யப்படுகிறது. மீனாட்சி மருத்துவமனைக்கு வந்து, மனோகரியை வெளியேறச் சொல்கிறாள். அதற்கு மனோகரியும் ஒப்புக்கொள்கிறாள்.

மனோகரிக்கும், தினகரனுக்கும் என்ன ஆகிறது? தினகரன் தன்னை மனோகரி ஏமாற்றியதை ஏற்றுக்கொள்வானா? மேலும் அறியக் கதையைப் படியுங்கள். இந்த கதை மிகவும் சுவாரசியமானது. இது படிப்பதற்கு எனது தனிப்பட்ட பரிந்துரையாகும். கதையின் இறுதியில் ஒரு சிறு திருப்பத்தை வைத்திருக்கிறார் ஆசிரியர். இந்த நாவலை நீங்கள் படித்திருக்கிறீர்களா? கருத்துப் பிரிவில் உங்கள் விருப்பங்களையும் எண்ணங்களையும் பகிர்ந்து கொள்ளுங்கள்.

ஆடியோ வடிவில் இந்நாவலை கேட்க கீழே கிளிக் செய்யவும்.